Արդյունաբերական տարածքների (շենքեր, գործարաններ, արտադրամասեր) օդափոխությունը բավականին բարդ նախագծային խնդիր է. դրա համար ունիվերսալ մեթոդներ գոյություն չունեն: Արդյունաբերական տարածքներում միկրոկլիմայի ձևավորումն ուղղակիորեն կապված է սենյակում ջերմաստիճանի և խոնավության պայմանների պահպանման հետ:

Արտադրական ձեռնարկություններում իրականացվող տեխնոլոգիական պրոցեսների արդյունքում կարող են աշխատավայր արտանետվել օդի աղտոտիչներ՝ պինդ մասնիկներ, գազեր, գոլորշիներ, մառախուղներ և հեղուկ աերոզոլներ: Առավել տիպային են աշխատավայրում լրացուցիչ ջերմանջատմամբ և խոնավությամբ պայմանավորված խնդիրները։

Որպես կանոն, աշխատավայրում միկրոկլիմայի պահպանումն իրականացվում է․
✓ ներփչող-արտափչող օդափոխության համակարգի,
✓ տեղային օդափոխության,
✓ ջերմային «վարագույրների»
կիրառմամբ։

Կախված համակարգի բարդությունից և համաձայնեցնելով Պատվիրատուի հետ նախագծերը կարող են իրականացվել AutoCAD, Revit կամ SolidWorks միջավայրերում։

Նախագիծն իրականացվում է Պատվիրատուի կողմից հաստատված տեխնիկական առաջադրանքի հիման վրա։ Անհրաժեշտության դեպքում կարող ենք կազմել և Պատվիրատուի հետ համաձայնեցնել նախագծման տեխնիկական առաջադրանքը։